“Azərbaycan və Rusiya arasında münasibətlərin gərginləşməsinin səbəbi Rusiya tərəfinin hərəkətlərindədir. Bu baxımdan münasibətlərin normallaşması üçün məhz Moskva lazımi addımları atmalıdır”.
AzPost “Report”-a istinadən xəbər verir ki, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Bakıda keçirilən CICA Beyin Mərkəzləri Forumunun 13-cü sessiyasında çıxışı zamanı deyib.
“Ötən ilin dekabrında Rusiya Azərbaycanın sərnişin təyyarəsini vurdu. Sonra Yekaterinburqda Azərbaycan diasporunun üzvlərinə qarşı xoşagəlməz hadisələr baş verdi, Ukraynada SOCAR tanklarına hücum edildi”, – o xatırladıb.
Şəfiyev ötən ay Həştərxanda iki ölkənin baş nazirlərinin müavinlərinin sədrliyi ilə Azərbaycan və Rusiya Federasiyasının hökumətlərarası komissiyasının iclasının keçirildiyini də xatırladıb.
“Rusiya iddia edir ki, Azərbaycanla münasibətlərdə gərginlik istəmir, eyni zamanda dialoqun bərpası üçün bizdən bəzi addımlar gözləyir. Bununla belə, Rusiya lazımi addımları atmalıdır. Eyni zamanda, biz adekvat addımlar gözləyirik”.
