“Rusiyada 80 min “ABŞ məzunu” var, “beşinci kolon” qurmaq istəyirlər”- NARIŞKİN

Vaşinqton ABŞ mübadilə proqramlarının məzunlarından ibarət “beşinci kolon” yaratmağa hazırlaşır.

Azpost.info xəbər verir ki, bunu Rusiya Xarici Kəşfiyyat Xidmətinin rəhbəri Sergey Narışkin deyib.

Onun sözlərinə görə, sözügedən şəxslərin köməyi ilə Birləşmiş Ştatlar ölkədə vəziyyəti qızışdırmağa və Rusiyadakı prezident seçkilərinə müdaxilə etməyə çalışacaq.

“Rusiyada prezident seçkiləri ərəfəsində amerikalılar ölkəmizdəki daxili siyasi vəziyyəti qarışdırmaq üçün ən kiçik fürsətdən istifadə edirlər”, – Narışkin bildirib.

Kəşfiyyat rəhbəri ABŞ Dövlət Departamentinin ABŞ-ın təhsil və mədəniyyət təşəbbüslərinin Rusiya təqaüdçüləri haqqında məlumatlarına istinad edib: “80 mindən çox insan Access, FLEX, Advance, Global UGRAD, Work and Travel USA və Fulbright proqramlarını bitirib. Vaşinqton hesab edir ki, onlar öz məzunlarını “beşinci kolon”un əsas elementi” edə bilər”.

Narışkin əmindir ki, artıq seçkilərə müdaxilə üçün müvafiq proqram hazırlanır. Onun sözlərinə görə, fevralın 16-18-də Riqada xüsusi təlim keçiriləcək: “Müəllimlər” rolunu ABŞ-ın Moskva və Riqadakı səfirliklərində diplomatik postlar adı altında işləyən ABŞ kəşfiyyatçıları oynayacaqlar. “Dinləyicilərin” tərkibini öyrənmək çətin olmayacaq. Vaşinqton təhsil proqramlarının məzunlarına millətlərarası və sosial ədavətin qızışdırılması, seçkilərə müdaxilə və sosial şəbəkələrdə ölkə rəhbərliyini gözdən salmaq üsullarını öyrədəcək”.

Azpost.info

Əvvəlki məqalə

“Braqa”nı keçəcəyik…” –

Sonrakı məqalə

Azərbaycandan Rusiyaya 1,5 milyon ədəd yumurta göndərilib