Rusiyanın Yamal-Nenets Muxtar Dairəsində 13 və 14 yaşlı iki məktəbli hava limanında dayanan Mi-8 helikopterini yandırıb.
Azpost.info bildirir ki, Rusiya mənbələrinin məlumatına görə, məktəblilər vertolyota yanar maye tökdükdən sonra siqaret çəkib helikopterə atıblar. Lakin helikopter alovlanmayıb. Sonra onlardan biri ikinci siqareti yandırıb mayenin içinə atıb. Partlayış baş verib. Məktəblilərin üzləri ciddi şəkildə yandığından hava limanından bir qədər uzaqlaşaraq təcili yardım çağırmalı olublar. Təcili yardım onları xəstəxanaya çatdırıb.
Helikopterdən qalan yalnız quyruq olub. Bildirilir ki, məktəblilər polisə yanğına görə onlara 5 milyon rubl vəd edildiyini deyiblər. Bir neçə gün əvvəl isə 30 min rubl qarşılığında mobil telefon qülləsini yandırıblar.
