Rusiyadan Çexiyaya “Drujba” kəməri ilə neft tədarükü dayandırılıb.
Azpost.info bildirir ki, bu barədə hökümət rəsmiləri açıqlama verib.
Ölkənin boru kəmərləri şəbəkəsini idarə edən dövlətə məxsus “Mero” vəziyyəti qiymətləndirdiyini bildirib. “Təchizat üçün heç bir təhlükə yoxdur”.
Şirkətin açıqlamasında bildirilir ki, dövlətin 90 günlük ehtiyatı var və TAL və İKL kəmərləri ilə Qərbdən neft nəqli kəsilməyib.
Çexiyanın Sənaye və Ticarət naziri Lukas Vlçek nə baş verdiyinin hələ aydın olmadığını bildirib.
“Çexiya neft emalı zavodları belə vəziyyətə yaxşı hazırlaşıblar və bizdə etibarlı dövlət ehtiyatları sistemi var” -deyə Vlçek bildirib.
Neft emalı edən “Urlen Unipetrol” şirkətinin açıqlamasına görə, bu iş prosesinə təsir etməyib.
Çexiya, Slovakiya və Macarıstan hələ də Rusiyadan neft alan Avropa İttifaqı üzvq olan ölkələrdir. Digər Aİ ölkələri Ukraynada müharibə başlayandan sonra Rusiya neftinin alınmasını dayandırıb.
Aİ-nin Çexiyaya Rusiya neftini tədarükü ilə bağlı istisna qaydasının müddəti cümə axşamı başa çatır.
