Sabiq baş prokurorun dəbdəbəli evi satışa çıxarılıb

- 1 milyon dollara (FOTO)
19 Noyabr 2019 - 15:43

Özbəkistanın sabiq baş prokuroru Rəşid Kadırovun paytaxtın Mirzə-Uluqbəy rayonundakı dəbdəbəli evi hərrac yolu ilə satışa çıxarılıb.

Azərtac xəbər verir ki, mülkün ilkin dəyəri 1 milyon dollar məbləğində qiymətləndirilib.

Xatırladırıq ki, sabiq baş prokuror bu ilin yayında rüşvət alma, korrupsiya və vəzifə səlahiyyətlərini aşma maddələri ilə 10 il müddətinə azadlıqdan məhrum olunub.

Rəşid Kadırov 15 il Özbəkistanın Baş prokuroru olub, 2018-ci ilin fevralında həbs edilib. İstintaq müəyyən edib ki, Rəşid Kadırov ölkə iqtisadiyyatına 500 milyon dollar həcmində ziyan vurub.