Ukrayna Xarici İşlər Nazirliyi Gürcüstan hakimiyyətini seçki kampaniyasında Rusiya-Ukrayna müharibəsi mövzusunu manipulyasiya etməməyə çağırıb.
Azpost.info bildirir ki, bununla bağlı XİN oktyabrın 10-da bəyanat yayıb.
“Ukrayna Xarici İşlər Nazirliyi Gürcüstan rəhbərliyinin oktyabrın 26-da keçiriləcək parlament seçkiləri ərəfəsində Ukraynanı öz ölkəsinin daxili siyasi proseslərinə cəlb etmək cəhdlərini pisləyir. Gürcüstanın baş naziri İrakli Kobaxidzenin bəyanatlarının qeyri-ciddi tonunu – bir daha – nəzərə alaraq, biz Ukraynanın mövqeyini bir daha ifadə etməyə məcburuq”, – deyə bəyanatda deyilir.
Xarici İşlər Nazirliyi təəssüfləndiyini bildirib ki, Gürcüstan hökuməti təssüf ki, Rusiyadan nümunə götürərək, vətəndaş cəmiyyəti və insan haqları təşkilatlarının iştirakını məhdudlaşdırmağa çalışır.
“Ukrayna bir daha Gürcüstan hökumətini dövlətimizi və Ukrayna vətəndaşlarını Gürcüstanın daxili siyasi proseslərinə cəlb etməkdən, Ukrayna xalqının qanına və iztirablarına qarışmaqdan çəkinməyə çağırır. Ümid edirik ki, Gürcüstanda parlament seçkiləri dinc və demokratik şəraitdə keçiriləcək və gürcü xalqı Aİ və NATO-ya daxil olmaq istiqamətində strateji kursunu davam etdirəcək”, – XİN-dən bildiriblər.
