2025-ci il oktyabrın 2-də Təşəbbüslərin İnkişaf Mərkəzi İctimai Birliyi tərəfindən tədbir təşkil olunub. Tədbir Azərbaycan Resublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən “İqlim dəyişməsi həllərinin ali məktəb auditoriyalarına gətirilməsinin təşviqi” layihəsi çərçivəsində baş tutub.
Tədbir zamanı layihə komandasının formalaşdırılması, tapşırıqların bölüşdürülməsi və layihənin ümumi sxeminin təqdimatı həyata keçirilib. Bununla yanaşı, layihənin strateji planının hazırlanması üçün müvafiq tövsiyələr müzakirə olunub, hədəf qrupların cəlb olunma səviyyəsi müəyyən edilib.
Eyni zamanda, tədbir çərçivəsində layihə komandası və tərəfdaşlar arasında başlanğıc görüş keçirilib. Görüşdə layihənin icrasının səmərəli təşkili, ali məktəblərdə iqlim dəyişmələri ilə bağlı maarifləndirmənin gücləndirilməsi və tələbələr arasında ekoloji düşüncənin formalaşdırılması məsələlərinə diqqət yetirilib.
Layihənin əsas məqsədi gənclərin iqlim dəyişmələri ilə mübarizə istiqamətində bilik və bacarıqlarını artırmaq, eləcə də ekoloji məsuliyyətin tədris mühitinə inteqrasiyasını təşviq etməkdir.
