Əfqanıstan hakimiyyəti BMT-nin xüsusi məruzəçisi Riçard Bennetin ölkəyə girişinə qadağa qoyub.
Azpost.info bildirir ki, administrasiya rəsmisi yerli Tolo News telekanalına deyib. O, insan haqları üzrə nümayəndəni təbliğat yaymaqda ittiham edib.
Əfqanıstan Xarici İşlər Nazirliyinin sözçüsü Abdul Qahar Balxi Reuters agentliyinə bildirib ki, Bennett Əfqanıstan üçün turist vizası ala bilməyib.
“Müəyyən edilib ki, onun hesabatları Əfqanıstanın və əfqan xalqının maraqlarına zərər vuran qərəz və lətifələrə əsaslanır”, – Balxi deyib.
Əfqanıstan administrasiyasının sözçüsü Zəbihullah Mücahid daha əvvəl deyib ki, Taliban İslam qanunlarını və yerli adət-ənənələri şərh edərək qadınların hüquqlarına hörmət edir: “Cənab Bennetin Əfqanıstana səfəri qadağan edilib, çünki ona Əfqanıstanda təbliğat aparmaq tapşırılıb. O, kiçik məsələləri şişirdib, onları təbliğ edirdi”, – Mücahid bildirib.
Bennet 2022-ci ildə BMT-nin İnsan Haqları Şurası tərəfindən Talibanın hakimiyyətə gəlməsindən sonra Əfqanıstanda insan haqlarının vəziyyətini izləmək üçün təyin edilib.
Bennet Talibanın qadınlara və qızlara qarşı rəftarının bəşəriyyətə qarşı cinayət sayıla biləcəyini deyib.
