Tarix İnstitutunun direktoru Kərim Şükürovun vəziyyəti kritikdir

08 Noyabr 2021 - 20:01

AMEA Tarix İnstitutunun baş direktoru Kərim Şükürovun vəziyyəti ağır olaraq qalır.

Bu barədə APA-ya onu qızı Lalə Şükürova bildirib.

Onun sözlərinə görə, bu gün atasını KT müayinəsindən keçirbilər: “Ağciyərlərində 70-80 faiz “buzlaşma” var. Vəziyyəti kritikdir”.

L. Şükürova bildirib ki, K. Şükürov süni tənəffüs aparatındadır.

Qeyd edək ki, Kərim Şükürov 1 həftə əvvəl koronavirusa yoluxub. Dünən vəziyyəti ağırlaşdığı üçün Mərkəzi Gömrük Hospitalına yerləşdirilib.