Mobil nömrənin dəyişdirilməsi adi proses kimi görünsə də, lazımi tədbirlər görülmədikdə şəxsi məlumatların təhlükəsizliyi üçün ciddi risklər yarana bilər.
Azpost.info-nun məlumatına görə, İT mütəxəssisləri bildirirlər ki, bir çox insan yeni nömrə aldıqdan sonra bank tətbiqlərində, elektron poçtda və sosial şəbəkələrdə əlaqə məlumatlarını yeniləmir. Nəticədə hesabların bərpası və təhlükəsizlik kodlarının alınması çətinləşə bilər.
Ən böyük risklərdən biri isə köhnə nömrənin müəyyən müddətdən sonra başqa şəxsə satılmasıdır. Əgər həmin nömrə hələ də müxtəlif onlayn xidmətlərdə qeydiyyatda qalırsa, bəzi hallarda təhlükəsizlik problemləri yarana bilər.
Ekspertlər nömrəni dəyişməzdən əvvəl bank hesabları, dövlət elektron xidmətləri, elektron poçt, sosial şəbəkələr və messencerlərdə qeydiyyat məlumatlarının yenilənməsini tövsiyə edirlər.
Bundan əlavə, iki faktorlu autentifikasiya sisteminin aktivləşdirilməsi hesabların qorunması üçün ən effektiv üsullardan biri hesab edilir.
Kibertəhlükəsizlik üzrə mütəxəssislər bildirirlər ki, şəxsi məlumatların qorunması yalnız güclü şifrə seçməkdən ibarət deyil. Əlaqə vasitələrinin düzgün idarə olunması da rəqəmsal təhlükəsizliyin vacib hissəsidir.
Sunay
