Tramp Ərdoğanla Liviya və Suriyadakı vəziyyəti müzakirə edib

Ötən gün Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında telefon bağlantısı olub. Liderlər Liviyada atəşkəsin və Suriyadakı zorakılıqların dayandırılmasının vacibliyini müzakirə ediblər.

Bu barədə Ağ Evin mətbuat katibinin müavini Cad Dir özünün “Twitter” səhifəsində məlumat paylaşıb.

“Bu gün (bazar ertəsi) Prezident Tramp Türkiyə Prezidenti Rəcəb Tayyib Ərdoğanla telefon danışığı edib. İki lider xarici müdaxiləni aradan qaldırmağın və Liviyada atəşkəs rejimininin qorunmasının vacib olduğunu müzakirə ediblər. Liderlər İdlib (Suriya) vilayətində törədilən zorakılıq aktlarının dayandırılmalı olduğu barədə ortaq fikrə gəliblər. Prezident Tramp Türkiyə ilə Yunanıstanın şərqi Aralıq dənizindəki fikir ayrılıqlarını həll etmələrinin vacibliyini də vurğulayıb”, – məlumatda belə deyilir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Bu gün AFFA-nın konfransı keçiriləcək –

Sonrakı məqalə

Sabirabadda yenicə ailə həyatı quran 20 yaşlı qadın intihar edib –