ABŞ-ın keçmiş prezidenti Donald Tramp ABŞ Konqresinin Nümayəndələr Palatasının sədri vəzifəsini müvəqqəti icra etməyə hazır olduğunu bildirib.
Azpost.info-nun məlumatına görə, bu barədə “Fox News” xəbər verir.
Keçmiş dövlət başçısı deyib ki, Respublikaçılar Partiyası başqa namizədlə bağlı razılığa gələ bilməsə, bu addımı atmağa hazırdır: “Mən bunu istədiyim üçün etmirəm. Lazım gələrsə, bir qərara gələ bilməsələr, bunu edəcəm”, – deyə siyasətçi bildirib.
Trampın sözlərinə görə, partiya yoldaşları daha uzunmüddətli variant barədə razılığa gələnə qədər 30, 60 və ya 90 gün müddətində bu vəzifəni tutmağa razıdır.
Keçmiş Amerika lideri bu tələbin ABŞ Konqresindəki çoxlu “dostlarından” gəldiyinə də aydınlıq gətirib.
Bundan əvvəl respublikaçı konqresmen Troy Nels bildirmişdi ki, Amerika qanunvericilərinin əksəriyyəti gələn həftə Donald Trampın Nümayəndələr Palatasının sədri vəzifəsinə namizədliyini irəli sürmək niyyətindədir.
Azpost.info
