“Tramp impiçment prosesinə mane olur” –

Nensi Pelosi bəyanat verdi 
09 Oktyabr 2019 - 09:21

Ağ Ev  Prezident Trampın impiçment prosesində əməkdaşlıqdan imtina etməsi təhqiqata maneçilik kimi qiymətləndiriləcək.

Azpost.info bildirir ki, bu barədə ABŞ-ın Nümayəndələr Palatasının spikeri, Demokrat partiyasının nümayəndəsi Nensi Pelosi bəyan edib.

Pelosi bəyanatda Ağ Evin hüquqşünasının əməkdaşlıqdan imtina etmək barədə məktubunu “faktları və subutları gizlətmək cəhdi” adlandırıb və qeyd edib ki, Tramp “qanundan yuxarıda durmur”.

Xatırladaq ki, impiçment proseduru Trampın Ukrayna prezidenti Zelenskiyə siyasi məqsədlərlə təzyiq etmək ittihamı ilə başlanıb. Tramp və Zelenski təzyiq faktını rədd edirlər.