Tramp impiçmentlə bağlı bəyanat verdi, tələb etdi:

"Məhkəməni dərhal başlayın"
20 Dekabr 2019 - 12:05

ABŞ Prezidenti Donald Tramp impiçment proseduru çərçivəsində Senatda məhkəmə prosesinin dərhal başladılmasını tələb edib.

Bu barədə D. Tramp “Twitter”də bildirib. 

“Demokratlar indi Senata prosesi necə aparacaqlarını diktə etmək istəyirlər. Əslində onların heç bir dəlili yoxdur və heç nə sübut edə bilməyəcəklər. Mən dərhal məhkəmə prosesinin başlamasını istəyirəm. Nümayəndələr Palatasında demokratlar saxta impiçmentləri üçün respublikaçılardan bir səs belə ala bilməyiblər. Respublikaçılar heç vaxt bu qədər birlik nümayiş etdirməyiblər. Demokratların vəziyyəti o qədər pisdir ki, onlar məhkəməyə çıxmaq istəmirlər”, – deyə ABŞ Prezidenti vurğulayıb.

O qeyd edib ki, demokratlar impiçment prosesi çərçivəsində ona qarşı olan iddiaları ABŞ Senatına göndərmək istəmirlər, çünki məhkəmə prosesinə uyğun olmayan şahidləri çağırmaqdan çəkinirlər: “Demokratlar Senata impiçment ittihamlarını təqdim etmirlər, çünki korrupsioner siyasətçi Adam Şiffin and içərək ifadə verməsini istəmirlər. Bununla yanaşı, onlar məlumat ötürənlərin və Baydenlərin (ABŞ-ın keçmiş vitse-prezidenti Cozef Bayden və oğlu Hanter Baydenifadə verməsini istəmirlər”. 

Xatırladaq ki, Nümayəndələr Palatasında Trampa qarşı impiçment ittihamları üzrə səsvermə keçirilib. Nümayəndələr Palatası Trampa qarşı impiçment ittihamlarını təsdiqləyib.

Sentyabrın 24-də Nümayəndələr Palatası D. Trampa qarşı impiçment prosesinin başladıldığını elan edib. İmpiçment prosedurunun başlamasının səbəbi Demokratların Prezident Trampın 2020-ci ildə ikinci müddətə seçilməsinə kömək etməsini təşviq etmək üçün iyul ayında olan telefon danışığında Ukrayna Prezidenti Vladimir Zelenskiyə təzyiq etdiyini ehtimal etməsidir.