Tramp toya gəldi, sağlıq dedi, Baydeni tənqid etdi:

"Hə, mənim üçün darıxmısınız?"
29 Mart 2021 - 17:26

ABŞ-ın sabiq prezidenti Donald Tramp toy mərasimində iştirak edib.

Azpost.info BBC radiosuna istinadən bildirir ki, toya gələn Tramp mikrofonu götürüb siyasətdən, Baydendən, Çindən və İrandan danışıb.

Gur alqışlar altında Tramp qonaqlardan soruşub: “Hə, mənim üçün darıxmısınız?”.

Tramp İranla bağlı vəziyyəti şərh edib: “Biz saziş bağlamağa hazır idik. Onlar hər şeyə hazır idilər. Bu oğlan (Bayden) gəlir və sanksiyaları götürür, sonra deyir ki, danışıqları indi başlamaq istəyirik”.

Daha sonra Tramp Meksika sərhədindəki vəziyyətə görə, Bayden idarəçiliyini tənqid edib: “Sərhəd orda pis vəziyyətdədir. Uşaqlar orada dilənçi gününüdə yaşayır”.

Seçkilərdə məğlubiyyətinə toxunan Tramp deyib ki, 75 milyon səs alıb.