Rusiya və Türkiyə prezidentləri Vladimir Putin və Tayyib Ərdoğan Soçidə 4 saatdan çox davam edən danışıqlardan sonra birgə bəyanatla çıxış ediblər.
Azpost.info xəbər verir ki, bu barədə Kremlin saytında məlumat verilib.
Məlumata görə, hazırkı regional və qlobal çağırışlara baxmayaraq, iki dövlətin liderləri hörmət, qarşılıqlı maraqların tanınması və beynəlxalq öhdəliklərinə uyğun olaraq Rusiya-Türkiyə münasibətlərini daha da inkişaf etdirmək üçün ümumi iradəni bir daha təsdiqləyiblər.
Görüşdən sonra Putin və Ərdoğan ikitərəfli ticarətin həcmini balanslaşdırılmış əsasda artırmaq və qarşıya qoyulan məqsədlərə nail olmaq, Rusiya ilə Türkiyə arasında sənaye, kənd təsərrüfatı, nəqliyyat və tikinti sahələrində qarşılıqlı əlaqəni artırmaq barədə, həmçinin Rusiya qazının Türkiyəyə tədarükünün qismən rublla ödənilməlisi ilə bağlı razılığa gəliblər.
Prezidentlər İstanbul sazişlərinin yerinə yetirilməsini, o cümlədən Rusiya gübrələrinin və onların istehsalı üçün xammalın, həmçinin taxılın maneəsiz ixracını təmin etmək lazım olduğunu vurğulayıblar.
Bundan başqa, dövlət başçıları Yüksək Səviyyəli Əməkdaşlıq Şurasının növbəti iclasının Türkiyədə keçirilməsi barədə razılığa gəliblər.
Azpost.info
