Türkiyədə 4,5 bal gücündə zəlzələ olub –Bir neçə evdə çatlar əmələ gəlib

Türkiyənin Manisa vilayətinin Akhisar rayonunda 4,5 bal gücündə zəlzələ olub.

Yerli vaxtla 22:22-də baş verən zəlzələ İstanbul, Bursa, İzmir, Afyon, Uşaq kimi bir çox şəhərlərdə hiss edilib.

Kandilli Rəsədxanasından verilən məlumata görə, eyni nöqtədə yerli vaxtla saat 22.25-də 4,4 bal gücündə təkanlar qeydə alınıb.

Qeyd edək ki, gün ərzində eyni ərazidə bir neçə dəfə zəlzələ baş verib. Saat 17:46-da 4,1, 16:49-da 3,3 və 16:18-də isə 3,2 maqnitudada təkanlar hiss edilib.

Saat 22:22-də baş verən yer silkələnməsində Akhisar rayonunun Çəltikli məhəlləsində bir neçə evdə çatlar əmələ gəlib. Hələlik yaralılar və digər dağıntılar barədə məlumat yoxdur.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Rusiya “Gəncə işi” ilə bağlı daha bir nəfəri Bakıya ekstradisiya edib

Sonrakı məqalə

Gəncədə 5 saylı Şəhər Poliklinikasında yanğın olub