Minlərlə Ukrayna əsgəri Rusiyanın Kursk bölgəsinə qarşı hücumda iştirak edir. Məqsədi Rusiyada mövqeləri genişləndirmək sabitliyi pozmaqdır.
Azpost.info bildirir ki, bu sözləri Ukraynanın yüksək rütbəli təhlükəsizlik rəsmisi AFP-yə açıqlamasında Kurska hucumun hədəflərini şərh edərkən bildirib.
“Biz hücum edirik. Məqsəd düşmənin mövqeyini genişləndirmək, maksimum itki vermək və Rusiyada sabitliyi pozmaqdır. Çünki o, öz sərhədini qoruya bilmir”, – deyə adının çəkilməsini istəməyən rəsmi agentliyə bildirib.
Rusiya hərbçiləri daha əvvəl Ukrayna Silahlı Qüvvələrinin Kursk vilayətində keçirdiyi əməliyyatda 1000-ə yaxın əsgərin iştirak etdiyini bildirsə də, AFP-nin Kiyevdəki həmsöhbəti daha çox olduğunu bildirib.
Onun sözlərinə görə, Kursk vilayətinin işğalı ukraynalılar arasında əhval-ruhiyyəni xeyli yüksəldib: “Bu, bizim əhval-ruhiyyəmizi, Ukrayna ordusunun, dövlətinin və cəmiyyətinin əhval-ruhiyyəsini xeyli yüksəltdi. Bu əməliyyat göstərdi ki, biz hücuma keçə və irəli gedə bilərik”-, – deyə rəsmi bildirib.
Agentliyin həmsöhbəti qeyd edib ki, Ukrayna Rusiyaya işğalı zamanı beynəlxalq humanitar hüquqa ciddi əməl edəcək və heç bir ərazini ilhaq etməyi planlaşdırmır.
“Ukraynanın heç bir konvensiyanı pozmaması çox vacibdir. Biz humanitar qanunlara ciddi əməl edirik: biz məhbusları edam etmirik, qadınları zorlamırıq, qarət etmirik”, – deyə o, əmin edib.
Bununla belə, Ukraynanın Kurska hucumu Rusiyanın Ukraynanın şərqindəki hücumunu zəiflətməyib. Agentliyin həmsöhbəti etiraf edib ki, ruslar Ukraynanın şərqindəki mövqelərdən qoşunlarını çıxarmır, lakin Rusiyanın hücumlarının intensivliyi bir qədər azalıb.
