“Ukrayna vətəndaşlarını dərhal Rusiyanı tərk etməyə və bu ölkəyə getməməyə çağırırıq”.
Azpost.info xarici mətbuata istinadən xəbər verir ki, bu bəyanatı Ukrayna Xarici İşlər Nazirliyi yayıb. “Rusiyanın Ukraynaya qarşı təcavüzünün güclənməsi Rusiya ərazisində konsulluq yardımının göstərilməsi imkanlarının əhəmiyyətli dərəcədə məhdudlaşdıra bilər. Xarici İşlər Nazirliyi Ukrayna vətəndaşlarına Rusiya Federasiyasına səfərlərdən çəkinməyi tövsiyə edir. Bu ölkədə olanlar isə Rusiya ərazisini dərhal tərk etməlidirlər”, – məlumatda deyilir.
XİN xəbərdarlıq edir ki, bu tövsiyələrə məhəl qoymamaq Rusiyada Ukrayna vətəndaşlarının adekvat müdafiəsinin təmin edilməsini əhəmiyyətli dərəcədə çətinləşdirəcək.
Azpost.info
