“Ukrayna böhranının sülh yolu ilə nizamlanması üçün bütün səylərin dəstəklənməsi və problemin həlli üçün birbaşa təmasların yaradılması vacibdir”.
Azpost.info xəbər verir ki, Çin Xarici İşlər Nazirliyinin məlumatına görə, bunu ölkə rəhbəri Si Cinpin Pekində Almaniya kansleri Olaf Şoltsla görüşündə deyib.
“Hazırkı şəraitdə beynəlxalq ictimaiyyət Ukrayna böhranının sülh yolu ilə həlli istiqamətində səyləri birgə dəstəkləməli, tərəfləri rasionallıq və təmkin nümayiş etdirməyə, mümkün qədər tez bir zamanda birbaşa təmas qurmağa və danışıqların bərpasına kömək etməyə çağırmalıdır”, – Çin lideri qeyd edib.
Cinpin qeyd edib ki, Çin Almaniya və Avropa İttifaqının sülh danışıqlarının irəliləyişində, həmçinin balanslaşdırılmış, səmərəli və dayanıqlı Avropa təhlükəsizlik strukturunun qurulmasına yardımda mühüm rolunu dəstəkləyir.
Azpost.info
