Yuxu sağlam həyat üçün həyati əhəmiyyət daşıyır. AzPost xəbər verir ki, yeni elmi tədqiqat göstərir ki, gecə yuxusunun müddəti birbaşa həyat uzunluğuna təsir edir.
Oreqon Sağlamlıq və Elmlər Universitetinin araşdırmasına görə, gündə 7 saatdan az yatmaq insan ömrünü qısalda bilər və bu, düzgün qidalanmamaq və ya fiziki aktivliyin olmamasından belə daha təhlükəlidir. Tədqiqatçılar ABŞ-ın müxtəlif dairələrində həyat uzunluğu ilə bağlı məlumatları CDC-nin 2019–2025-ci illər sorğuları ilə müqayisə ediblər.
Nəticələr göstərib ki, yuxu və ömür uzunluğu arasındakı əlaqə qidalanma, fiziki aktivlik və sosial təcrid kimi faktorlarla müqayisədə daha güclüdür. Yalnız siqaret çəkmək yuxusuzluqdan daha mənfi təsir göstərir.
Araşdırmanın rəhbəri Endryu MakGill bildirib ki, bu əlaqənin gücü onu da təəccübləndirib:
“Yuxunun vacib olduğunu hər zaman bilirdik, amma ömür uzunluğuna təsiri bu qədər böyükdür. İnsanlar hər gecə 7–9 saat yatmağa çalışmalıdırlar”, – deyə ekspert qeyd edib. Onun sözlərinə görə, yuxu ürək, immun sistemi və beyin funksiyaları üçün kritik əhəmiyyət daşıyır.
Tədqiqatçılar vurğulayırlar ki, milyonlarla yetkin şəxslər müntəzəm olaraq kifayət qədər yatmır və bu, ürək-damar xəstəlikləri və vaxtından əvvəl ölüm riskini artırır, hətta yuxu pozuntuları diaqnoz edilməmiş olsa belə.
Uzunömürlülüyü dəstəkləyən 5 yuxu vərdişi:
-
Gecə 7–8 saat yatmaq
-
Yatmağa getməkdə problem həftədə 2 dəfədən çox olmamalıdır
-
Gecə nadir oyanışlar
-
Yatmadan əvvəl dərman istifadəsinin olmaması
Əvvəlki tədqiqatlar göstərib ki, keyfiyyətli yuxu vərdişlərinə malik insanlar daha uzun yaşayır: kişilər orta hesabla 4,7 il, qadınlar isə 2,4 il daha uzun. Bu vərdişlər sağlam həyatın vacib hissəsini təşkil edir.
