Ukrayna Rusiya ordusunun Xersonu döyüşsüz tərk etməsinə dair əlamətləri görmür.
Bu barədə Ukrayna Prezidentinin Ofisinin rəhbəri Mixail Podolyak bildirib.
Podolyak qeyd edib ki, Rusiya ordusunun böyük hissəsi Dneprin sol sahilində qalıb və əraziyə əlavə qüvvələr cəlb edilir: “Ukrayna dövləti bəyanatlara deyil, öz kəşfiyyatına inanır”.
Bu arada, Ukrayna Prezidenti Volodimir Zelenski Xerson vilayətinin yaşayış məntəqələrində 4 hərbi administrasiya yaratmaq barədə fərman imzalayıb. Baş qərargaha sərəncamdan irəli gələn məsələləri həll etmək tapşırılıb.
Qeyd edək ki hərbi administrasiyaların yaradıldığı ərazilər Dneprin sol sahilində, Rusiya ordusunun nəzarətindədir.
