Yaponiya kimyəvi silah istehsalı ilə bağlı malların Rusiyaya ixracına qadağa qoyub.
Azpost.info xəbər verir ki, bu barədə Yaponiya İqtisadiyyat, Ticarət və Sənaye Nazirliyi məlumat yayıb.
Məlumatda bildirilir ki, Tokio “DXR” və “LXR”, eləcə də Xerson və Zaporojye vilayətlərində keçirilən referendumlar fonunda Rusiyaya qarşı yeni sanksiyalar tətbiq edib.
Sanksiya siyahısına müdafiə sektoru ilə bağlı daha 20 Rusiya təşkilatı daxil edilib. Onların arasında “Moselelektronproekt” ASC, NPO Etalon, “Informakustika” ASC, A.I.Alixanov adına Milli Elmi-Tədqiqat Mərkəzi “Kurçatov İnstitutu” və “Salyut” zavodu da var.
Azpost.info
