Yasamal rayonunda Mikayıl Müşfiq küçəsində sakinlər narahatlıq ifadə edirlər. AzPost xəbər verir ki, Fövqəladə Hallar Nazirliyinin inzibati binasının yaxınlığında yanında, 20 nömrəli məktəbə gedən yolda sürücülər piyada zolağında avtomobillərini saxlayır. Son günlər diqqət çəkən isə 90-NT-006 dövlət qeydiyyat nişanlı Jeep Wrangler olub.
Valideynlərin sözlərinə görə, səhər saatlarında balaca uşaqlar təhlükə ilə üz-üzə qalır, çünki avtomobil onların yolunu əngəlləyir. “Çox xahiş edirik, paylaşın, bəlkə görüb utanarlar,” – deyə sakinlər bildirirlər.
