Yevlax şəhərində “Azərişıq” ASC-yə məxsus yarımstansiyanın ərazisində yanğın baş verib.
Azpost.info Fövqəladə Hallar Nazirliyinə istinadən bildirir ki, 110 kVt olan yarımstansiyanın ərazisində baş verən qısa qapanma nəticəsində ümumi sahəsi 88 kvadratmetr olan tikilinin içərisində 2 ədəd gücü 10 kVt olan qapalı paylayıcı qurğudan bir ədədi yanıb. Tikilinin içərində yerləşən 25 ədəd qoruyucu açar və 1 ədəd paylayıcı qurğu yanğından mühafizə olunub. Yanğın yanğından mühafizə bölmələri tərəfindən söndürülüb.