“Əgər bu gənc qız (Məhsa Əmini) olmasaydı, sentyabr ayının ilk günündə ölkədə xaos yaratmaq üçün başqa bir bəhanə yaradardılar”.
“Tasnim” Agentliyinin məlumatına görə, bunu İranın Ali Rəhbəri Seyid Əli Xamenei bildirib.
O, iğtişaşların planlaşdırıldığını deyərək ABŞ-ı ittiham edib.
Xamenei qeyd edib ki, dünyanın bir çox yerində iğtişaşlar baş verir, lakin hər baş verən iğtişaşa ABŞ Prezidenti və Nümayəndələr Palatası səviyyəsində reaksiya verilmir.
“Ağıllı insan bu hadisələrin arxasında başqa əllərin olduğunu necə hiss etməsin?!”, – o əlavə edib.
İranın Ali Rəhbəri məhkəmə orqanlarının məsələni sona qədər izləyəcəkləri vədini verdiyini də xatırladıb.
