Türkiyə Prezidenti Rəcəb Tayyib Ərdoğan və Ermənistanın Baş naziri Nikol Paşinyan iki ölkə arasındakı münasibətlərin normallaşdırılması üçün görüşlər keçirmək barədə razılığa gəliblər.
Azpost.info xəbər verir ki, bunu Türkiyənin xarici işlər naziri Mövlud Çavuşoğlu bildirib.
O qeyd edib ki, bu məsələ ilə bağlı əvvəlki dörd görüş üçüncü ölkələrdə keçirilib: “Normallaşma görüşlərimizdən dördü təəssüf ki, üçüncü ölkələrdə baş tutdu. Praqada prezidentimizin Paşinyanla görüşündə Türkiyə və Ermənistan ərazilərində görüşlərin keçirilməsi barədə razılıq əldə olunub”.
Türkiyə ilə Ermənistan arasında sərhəd 1993-cü ildən bağlıdır. Sərhədin bağlanması təşəbbüsü ilə Türkiyə tərəfi çıxış edib.
Azpost.info
