2005-ci ildən bəri dünyada ən azı 120 min uşaq münaqişələr zamanı öldürülüb və ya şikəst qalıb.
Azpost.info xəbər verir ki, bu barədə UNİCEF məlumat yayıb.
“Son nəticədə hər bir müharibə uşaqlara qarşı müharibədir. Beynəlxalq ictimaiyyət hələ də müharibələrdə uşaqları daha yaxşı qorumaq üçün səy göstərmir, baxmayaraq ki, bunu necə edəcəyini bilir”, – UNICEF-in icraçı direktoru Ketrin Rassel deyib.
UNICEF Afrika, Asiya və Latın Amerikasında 30-dan çox münaqişə haqqında məlumat toplayıb. Bu böhranlar zamanı uşaq hüquqlarının pozulması üzrə 315 fakt qeydə alınıb. O cümlədən, ən azı 105 min uşaq münaqişələrdə əsgər kimi istifadə edilib, 16 mindən çox qız və oğlan cinsi zorakılığa məruz qalıb, 32,5 mindən çoxu münaqişə tərəflərinin nümayəndələri tərəfindən oğurlanıb.
“Zərər çəkmiş uşaqların real sayı daha çoxdur”, – təşkilat əlavə edib.
Azpost.info
