Forbes jurnalı 2023-cü ilin ən zəngin beş ABŞ vətəndaşının adını açıqlayıb.
Azpost.info-nun məlumatına görə, reytinqin lideri yenə Tesla-nın sahibi İlon Mask olub.
Nəşrin ekspertləri biznesmenin sərvətini 251 milyard dollar qiymətləndiriblər.
İkinci ən zəngin amerikalı 161 milyard dollarlıq sərvətlə Amazon korporasiyasının təsisçisi Ceff Bezosdur. Reytinqdə ilk “üçlüyü” Oracle korporasiyasının yaradıcılarından biri Larri Ellison bağlayır. (158 milyard dollar).
İlk “beşliyə” həmçinin “Berkshire Hathaway” holdinqinin rəhbəri Uorren Baffet (121 milyard dollar) və Google korporasiyasının təsisçilərindən biri Larri Peyc (114 milyard dollar) daxil olub.
Forbes-in məlumatına görə, ümumilikdə 400 ən varlı amerikalının sərvəti il ərzində 500 milyard dollar artıb.
Azpost.info
