ABŞ-da 30 il əvvəl dondurulmuş embrionlardan iki əkiz doğulub. Bu, dondurulmuş embrionların doğulmasını “gözlədiyi” ən uzun müddətdir.
Azpost.info bildirir ki, embrionlar 1992-ci il aprelin 22-dən maye azotun içində, -128C temperaturda saxlanılırdı və həyat qabiliyyətini saxlamışdı.
Bundan sonra onların donunu açıb gələcək ana Reyçel Ridgveyə köçürülüb. Qadın uğurla əkiz uşaq dünyaya gətirib. Reyçel və yeni doğulmuş körpələrini qucağında saxlayan həyat yoldaşı Filip bunu “heyrətamiz” adlandırıb: “Allah Lidiya və Timoteyə həyat verəndə mənim 5 yaşım var idi və o vaxtdan bu həyatı qoruyub saxlayıb”.
Ridqvey əlavə edib ki, müəyyən mənada onlar ən kiçik övladları olsalar da ən böyük uşaqları sayıla bilər. Ailənin 8, 6, 3 və 2 yaşlı daha dörd övladı var. Amma onların heç biri EKO və ya donorlar vasitəsilə hamilə olmayıb.
Donor Embrionları üzrə Milli Mərkəzin məlumatına görə, Lydia-Anne və Timoti -Ronald Ridgvey yeni rekorda imza atacaqlar. Əvvəlki rekord 2020-ci ildə 27 il dondurucuda “yatan” embriondan dünyaya gələn Molli Gibsona məxsusdur.
Mərkəzin bəyanatında deyilir ki, sağlam körpələrin dünyaya gəlməsi xəbərinin embriondan doğulan uşaqları özləri üçün övladlığa götürmək istəyən potensial valideynləri də buna təşviq edəcəyinə ümid edirlər.
Dondurulmuş embrionların saxlanması üçün heç bir vaxt məhdudiyyəti yoxdur. Ancaq 100 il əvvəl doğulmuş uşaqların nə vaxtsa doğulması ehtimalı o qədər də böyük deyil. Çünki bu texnologiya nisbətən yaxınlarda ortaya çıxıb. Dondurulmuş embriondan ilk uşaq 1984-cü ildə Avstraliyada doğulub.
Azpost.info
