“Biz 30 il əvvəl müharibəni seçərkən səhv etdik”.
Azpost.info bildirir ki, bu sözləri Ermənistanın sabiq səhiyyə naziri, hakim “Vətəndaş sazişi” partiyasından olan deputat Arsen Torosyan sosial şəbəkədə yazıb.
“30 il əvvəl dağılan imperiyanın aqoniyası zamanı yenidən ölüm və müharibəni seçməklə səhvə yol verdik. “Qalib” olduq və qurur bizi kor etdi. Sülhün qiyməti yoxdur, o həyat qədər qiymətlidir”-deyə Torosyan bildirib.
Onun sözlərinə görə, bunun əksini söyləəmk müharibəni və ölümü təbliğ etməkdir. “Əsrlər boyu bizə ölümün həyatdan qiymətli olduğunu təlqin etdilər. Biz bu bu təbliğata uyduq və həyatı deyil, ölümü seçdik. Bu təbliğat yenə davam edir. Nə vaxta qədər həyatı deyil ölümü seçməli olacağıq? Biz nə qədər səhv edəcəyik? Tam məhv olana qədər? Biz etiraf etməliyik ki, səhv etmişik. Biz 100 il əvvəl də səhv elədik. O zaman Avropa şəhərlərində imzalanan hansısa sənədləri reallıq hesab elədik. Vətənimizin bir hissəsini itirdik. Bu günə qədər öz səhvlərimizi etiraf etmirik. Yerdə reallığın üzünə baxmaqdan imtina edir, ölümü seçməkdə davam edirik. Biz obyektiv reallığı rədd edib, onu öz şlıtaqlığımızla interpretasiya edib yenidən həmin səhvlərəi edə bilmərik”-deyə deputat yazıb.
