Amerikanın Kanzas ştatının Viçita şəhərində dörd yaşlı bir oğlan qonaq getdikləri evdən tapdığı silahla yeddi yaşlı başqa bir uşağı güllələyərək öldürüb.
AzPost “People” jurnalına istinadən bildirir ki, hadisə mart ayında baş verib. Həmin vaxt silah sahibi olan şəxs dostlarını və onların uşaqlarını mənzilinə qonaq çağırıb.
Bir müddət sonra sərxoş olan böyüklər ön dayanacaqdakı maşına minib və orada içki içməyə davam ediblər. Nəşrin məlumatına görə, evdə qalan uşaqlar oyuncaq silahla oynayıblar. Daha sonra ev sahibinin çantasında əsl silah tapıblar. Uşaqlar onu da oyuncaq hesab ediblər.
Yaralanan yeddi yaşlı oğlan yuxarı bədən nahiyəsindən ağır güllə yarası alıb və xəstəxanaya aparılıb, lakin hakimlər həyatını xilas edə bilməyib.
Nəşrin məlumatına görə, silaha sahib olan qadın bu yaxınlarda üç il bir ay həbs cəzasına məhkum edilib.
