Rusiyanın Nijni Novqorod şəhərində 4 yaşlı uşaq üstünə narkotik maddə səpilmiş bulka yeyib.
Azpost.info bildirir ki, körpə komaya düşüb, həkimlər onun həyatı üçün mübarizə aparır.
SHOT-un məlumatına görə, dünən uşaq anası ilə Lopatina küçəsindəki evdə olub. O, mənzildə bulka tapıb və onu yeyib. Sonradan uşağın halı pisləşib. Heç nədən şübhələnməyən ana təcili yardım çağırıb. Xəstəxanada uşağa ağır dərman zəhərlənməsi diaqnozu qoyulub. Ekspertiza göstərib ki, çörəyə mürəbbə əvəzinə metadon yaxılıb.
Uşağın valideynləri saxlanılıb. Ata deyib ki, dostu həbsdədir və onunla görüşə getməyi planlaşdırıb. Tanımadığı qadın ona dostuna vermək üçün ərzaq çantası verib. Kişi iddia edir ki, guya o, çörək və bulkalarda hər hansı maddə ola biləcəyindən şübhələnməyib və bağlamanı oğlundan gizlətməyib.
İndi atanın narkotik alverçisi ola biləcəyi barədə məlumatlar yoxlanılır.
İndiyədək 29 yaşlı valideynin övladının tərbiyəsində üzərinə düşən vəzifəni yerinə yetirmədiyinə görə protokol tərtib edilib. Cütlüyün bundan başqa uşaqları yoxdur.
