Rusiyanın təhlükəsizliyinə qarşı açıq çağırışlar edənləri 2,5 milyon rubla qədər cərimə ilə 7 ilə qədər həbs cəzası gözləyəcək.
Azpost.info xəbər verir ki, Rusiya Dumasının dövlət quruculuğu və qanunvericilik komitəsi palataya sözügedən cəzaları nəzərdə tutan layihəni birinci oxunuşda qəbul etməyi tövsiyə edib.
Qanun layihəsinə görə, pozuntular 100 min rubldan 500 min rubla qədər cərimə və ya 2 ildən 4 ilədək müddətə azadlıqdan məhrumetmə ilə cəzalandırılacaq. Mütəşəkkil qrup tərəfindən və ya zorakılıq hədəsi ilə törədilən oxşar pozuntulara görə 500 min rubldan 2,5 milyon rubla qədər cərimə ilə 5 ildən 7 ilədək azadlıqdan məhrumetmə cəzası nəzərdə tutulacaq.
Bundan başqa, rusların xaricdə ölkənin maraqlarına zidd döyüş əməliyyatlarında iştirakı 500 min rubla qədər cərimə ilə 20 ilədək həbs cəzası ilə cəzalandırılacaq. Silahlı münaqişədə düşmən tərəfinə keçmək dövlətə xəyanət kimi qiymətləndiriləcək.
Azpost.info
