“Meymunçiçəyinə təkrar yoluxma mümkündür”.
Azpost.info xəbər verir ki, bunu Ümumdünya Səhiyyə Təşkilatının (ÜST) rəsmisi Rozamund Levis deyib. “Biz artıq Qərbi Afrikada meymunçiçəyinə məruz qalmış həkimin sonradan yenidən necə xəstələndiyini görmüşük. Xəstəliyə qarşı immunitet təkrar infeksiyadan yüz faiz qoruya bilməz”, – Levis bildirib.
ÜST-ün baş direktoru Tedros Adhanom Ghebreyesus meymunçiçəyinə yoluxanlara evdə özünü təcrid etməyi tövsiyə edib. O qeyd edib ki, meymunçiçəyinin qeyri-endemik ölkələrdə aşkarlanması təhlükəsinə baxmayaraq, onun yayılmasının qarşısını almaq olar. ÜST rəhbərinin sözlərinə görə, Afrikadan kənarda meymunçiçəyinə 1000-dən çox yoluxma qeydə alınıb.
Azpost.info
