Anqolanın keçmiş prezidenti Joze Eduardo dos Santos İspaniyada 79 yaşında vəfat edib.
Azpost.info xəbər verir ki, bu barədə Anqola prezidentinin administrasiyası məlumat yayıb.
Joze Eduardo dos Santos Anqolaya 1979-2017-ci illərdə rəhbərlik edib. 2017-ci il seçkilərindən sonra onu prezident vəzifəsində Anqolanın müdafiə naziri Juan Lorensu əvəzləyib. Həmin andan keçmiş prezidentin övladları dövlət vəzifələrindən uzaqlaşdırılıb, oğlu isə 2018-ci ilin sentyabrında korrupsiya ittihamı ilə həbs olunub. Az sonra Santos ölkəni tərk edib və yalnız 2021-ci ildə geri qayıdıb.
Dos Santos Sovet İttifaqında təhsil alıb – Azərbaycan Neft və Kimya İnstitutunu bitirib. O, Sovet İttifaqı ilə dostluq münasibətləri saxlayıb, Leonid Brejnevlə görüşüb, Konstantin Çernenkonun dəfn mərasimində iştirak edib.
Azpost.info
