“Odessa limanına zərbə Kreml rəhbəri Vladimir Putinin BMT baş katibi Antonio Quterreş və Türkiyə prezidenti Rəcəb Tayyib Ərdoğanın üzünə tüpürməkdir”.
Azpost.info xəbər verir ki, bunu Ukrayna Xarici İşlər Nazirliyinin mətbuat katibi Oleq Nikolenko deyib.
Nikolenkonun sözlərinə görə, Rusiyaya taxıl dəhlizi ilə bağlı razılaşmaları pozmaq üçün bir gündən az vaxt lazım oldu: “Rusiyanın dünən İstanbulda Odessa limanı ərazisinə raket hücumu ilə bağlı imzaladığı sənədi, BMT və Türkiyəyə verdiyi vədləri pozmaq üçün 24 saatdan az vaxt lazım oldu”.
Mətbuat katibi qeyd edib ki, Ukrayna ölkənin kənd təsərrüfatı məhsullarının Qara dəniz vasitəsilə üç limandan – Odessa, Çornomorsk və Yujnıdan təhlükəsiz ixracını bərpa etmək üçün razılaşmaların ciddi şəkildə yerinə yetirilməsinin vacibliyində israr edir.
Qeyd edək ki, Rusiya Odessa limanına raket zərbəsi endirib.
Azpost.info
