Qərarların İcrası Xidməti Qırğızıstanın həbsdə olan keçmiş prezidenti Almazbek Atambayevin müalicə üçün Moskvaya getməsinə icazə verməyib.
Azpost.info xəbər verir ki, bu barədə vəkil Zamir Cooşev məlumat verib.
Dövlət xidməti bəyan edib ki, Atambayevin müalicə üçün Rusiyaya getməsi üçün heç bir hüquqi əsas yoxdur.
“Atambaevin səhhəti qənaətbəxşdir, o, tibb müəssisəsində müalicə alır”, – qurumdan bildirilib.
Sabiq dövlət başçısı qida borusu və bel nahiyəsində problemlərdən əziyyət çəkir.
Atambayev 2011-2017-ci illərdə Qırğızıstanın prezidenti olub. O, 2019-cu ilin iyununda prezident toxunulmazlığından məhrum edilib və korrupsiya işi ilə bağlı saxlanılıb. 2020-ci ilin oktyabrında Atambaev Bişkekdəki etirazçıların tələbi ilə qısa müddətə azadlığa buraxılsa da, bir neçə gün sonra yenidən saxlanılıb.
Azpost.info
