Qazaxıstan prezidenti Kasım-Jomart Tokayev ölkəyə gələn Rusiya vətəndaşlarının artması problemini həll etmək üçün Rusiya tərəfi ilə danışıqlar aparacaq.
Azpost.info xəbər verir ki, bu barədə Tokayev ictimaiyyətlə görüşü zamanı bildirib.
Onun sözlərinə görə, rusların əksəriyyəti indiki ümidsiz vəziyyətə görə vətənlərini tərk etməli olub. Prezident bu insanların qayğısına qalmağa, onların təhlükəsizliyini təmin etməyə çağırıb, bunun siyasi və humanitar məsələ olduğunu vurğulayıb.
Dövlət başçısı hökumətə lazımi tədbirlərin görülməsini tapşırıb.
“Xaricdən gələn qonaqlara köməklik göstəriləcək, lakin onlara heç bir üstünlük verilməyəcək. Bütün işlər qanuna və öhdəliklərimizə uyğun aparılmalıdır”, – Tokayev əlavə edib.
Azpost.info
