Almaniya, Fransa, Danimarka, İspaniya, İtaliya və Çexiya Avropa İttifaqının İrana qarşı 16 təklifdən ibarət yeni sanksiyaları təqdim edib. Sanksiya təklifi İrandakı son etiraz aksiyaları ilə bağlıdır.
Azpost.info bildirir ki, bu barədə Reuters Almaniya Xarici İşlər Nazirliyindəki mənbəyə istinadən xəbər verir.
Mənbə bildirib ki, tədbirlər etiraz aksiyalarının yatırılmasına cavabdeh olan şəxsləri və qurumları hədəf alacaq.
Spiegel jurnalı yazır ki, bu ölkələr Aİ xarici işlər nazirlərinin oktyabrın 17-də keçiriləcək iclasda sanksiyalarla bağlı qərar vermələrini istəyir. Aİ üzvlərindən buna qarşı heç bir müqavimət gözlənilmir. “İndi biz bu təkliflərin həyata keçirilməsi üzərində işləyirik”, – mənbə bildirib.
