“Bəli, mən təsdiq edə bilərəm ki, jurnalist Kseniya Sobçak Litvadadır. İsrail pasportu olduğu üçün Litva ərazisinə daxil olmaq hüququ var idi”.
Azpost.info xəbər verir ki, bunu Litvanın dövlət təhlükəsizlik departamentinin rəhbəri Daryus Yaunişkis bildirib.
Yaunişkisin sözlərinə görə, Sobçak Litvada 90 gün qala bilər: “Sobçak İsrail vətəndaşıdır. O, İsrail pasportu ilə Litvaya daxil ola bilər. Bunun üçün viza tələb olunmur və burada 90 gün qala bilər”.
Departamentinin rəhbəri Sobçakın Litvada qalmasının milli təhlükəsizlik baxımından qiymətləndirilib-qiymətləndirilmədiyini açıqlamayıb: “Hələlik bunun milli təhlükəsizliyə təhdid yarada biləcəyinə dair heç bir xüsusi kəşfiyyatımız yoxdur”.
Azpost.info
