Ermənistanın ikinci prezidenti Robert Köçəryanın oğlu Sedrak Köçəryanın həbs müddəti daha 2 ay uzadılıb.
Bu barədə vəkil Akop Kyureqyan jurnalistlərə məlumat verib.
Antikorrupsiya məhkəməsi prokurorluğun vəsatətini uzun müddət müzakirə etdikdən sonra Sedrak Köçəryanın həbs müddətinin uzadılması barədə qərar qəbul edib. Qərarı hakim Aram Qriqoryan verib.
Vəkil bildirib ki, hazırkı şəraitdə fərqli qərar gözləmək çətin idi. Kyureqyan qərardan mütləq şikayət veriləcəyini vurğulayıb. Sedrak Köçəryan özü məhkəmə iclasına gətirilməyib.
Kyureqyan müdafiə tərəfinin girov müqabilində azadlığa buraxılma barədə vəsatət verib-vermədiyi ilə bağlı suala müsbət cavab verib. O, girovun məbləğinin müəyyənləşdirilməsini məhkəmənin mülahizəsinə buraxdıqlarını qeyd edib.
