İndoneziyada 7 metrlik piton 54 yaşlı yerli sakini plantasiyaya işləməyə gedərkən udub.
Azpost.info xəbər verir ki, bu barədə “The Washington Post” yazır.
“Cəhra adlı qadın evə qayıtmayanda əri onun axtarışına çıxıb. O, itkin arvadının ayaqqabısını, gödəkçəsini görəndə pis bir şey baş verdiyini başa düşüb. Ertəsi gün axtarış qrupu 7 metr uzunluğunda şişmiş nəhəng piton aşkar edib və onun qurbanı ovladığından şübhələnib”, – yerli polisin açıqlamasında deyilir.
Yerli sakinlər axtarış zamanı daha böyük – uzunluğu 8 metrdən çox olan pitonla da rastlaşıblar, lakin onu tuta bilməyiblər. Kəndlilər vəziyyətin son dərəcə çətin olduğunu deyirlər. Çünki ərazidə vəhşi heyvanları, keçiləri və bəzən insanları yeyən pitonlar var.
Azpost.info
