ABŞ prezidenti Co Bayden bəşəriyyətin növbəti pandemiya ilə üzləşəcəyi barədə xəbərdarlıq edib.
Azpost.info xəbər verir ki, Bayden bunu Vaşinqtonda keçirilən ABŞ-Afrika Sammitində deyib.
“COVID-19-un yayılması ilə mübarizə aparsaq belə, biz daha güclü səhiyyə sistemləri və institutları qurmağa və səhiyyə xidmətinə universal çıxışı təmin etmək üçün səyləri gücləndirməyə davam edirik”, – ABŞ prezidenti deyib.
O qeyd edib ki, hakimiyyət bütün bunları yeni pandemiyaya hazırlaşmaq üçün edir: “Bu, şübhəsiz ki, olacaq”.
Bayden həmçinin əlavə edib ki, ABŞ 49 Afrika ölkəsinə 231 milyon doza vaksin çatdırıb.
Azpost.info
