ABŞ administrasiyası İran ətrafındakı vəziyyətlə bağlı həm birbaşa, həm də vasitəçilər üzərindən çoxsaylı məsləhətləşmələrdə iştirak edir.
Bunu ABŞ dövlət katibi Marko Rubio Corciya ştatının Atlanta şəhərində keçirilən G20 ölkələrinin xarici işlər nazirlərinin görüşünün yekunlarına dair mətbuat konfransında bildirib.
İrana qarşı ABŞ Silahlı Qüvvələrinin zərbələrinin mümkün bərpası barədə sualı cavablandıran Rubio bu məsələdə qərar vermək səlahiyyətinin Prezident Donald Trampa məxsus olduğunu vurğulayıb.
“Çoxsaylı məsləhətləşmələr aparılır. Əslində, məsləhətləşmələr və danışıqlar heç vaxt dayanmayıb. Onlar fasiləsiz davam edir. Bəzi hallarda birbaşa, lakin əksər hallarda vasitəçilər üzərindən həyata keçirilir”, – Rubio qeyd edib.
ABŞ dövlət katibinin sözlərinə görə, Donald Tramp mümkün olduğu hallarda beynəlxalq problemlərin diplomatik və sülh yolu ilə həllinə üstünlük verir.
“Prezident başa düşür ki, təəssüf ki, dünyada sülh yolu ilə həll edilməsi mümkün olmayan bəzi problemlər var. Bununla belə, biz onları məhz diplomatik yollarla həll etməyə üstünlük veririk”, – Rubio əlavə edib.
