“Ruslar həm xalq dəstələrində birləşməli, həm də cəbhəyə hazır olmalıdırlar”.
Azpost.info xəbər verir ki, bunu Çeçenistan rəhbəri Ramzan Kadırovun köməkçisi, “Axmat” xüsusi təyinatlı dəstəsinin komandiri Apti Alaudinov deyib.
Onun fikrincə, bütün vətəndaşlar Rusiyanın qələbəsi üçün çalışmalıdır: “Hamı sanki rahatlayıb, sakitcə başını qoyub yatır. Əslində səfərbərliyin olması lazım olduğu bir vaxtda bəzi ruslar heç nə baş verməmiş kimi normal həyat sürürlər”.
Alaudinov qeyd edib ki, ölkə ərazisində təxribat təhlükəsi olduğundan, heç bir işi olmayan ruslar öz yaşayış məntəqələrinin mühafizəsi ilə məşğul olmalıdır: “Ölkə bir çox istiqamətlərdə müharibə vəziyyətinə hazır olmalıdır. Əgər “X saatı”, Allah eləməsin, real eskalasiya olarsa, müəyyən resurslardan istifadə etmək lazım gələcək. İstənilən kişi döyüş əmrinə hazırlıqlı olmalıdır”.
Azpost.info
