Çin lideri Si Cinpin son bir ildə ilk dəfə Ukrayna prezidenti Vladimir Zelenski ilə onlayn görüş keçirməyi planlaşdırır.
Azpost.info xəbər verir ki, bu barədə “The Wall Street Journal” məlumatlı mənbələrə istinadən yazıb.
Nəşr qeyd edir ki, bu söhbət Rusiya prezidenti Vladimir Putinlə gələn həftə Moskvada keçiriləcək danışıqlardan sonra baş tuta bilər.
Bu gün “Reuters” mənbələrə istinadən yazıb ki, Çin lideri gələn həftə Moskvada Putinlə görüşməyi planlaşdırır. Agentlik səfərin digər təfərrüatlarını açıqlamayıb.
Rusiya prezidentinin mətbuat katibi Dmitri Peskov isə məsələ ilə bağlı yalnız onu deyib ki, xarici səfərlərin rəsmi elanı hər iki tərəfin istəyi ilə sinxron şəkildə verilir. Belə bir hazırlıq olduqda, Rusiya hakimiyyəti bu barədə məlumat verəcək.
Azpost.info
