Çin lideri Si Cinpinin Rusiyaya səfəri başlayıb.
Çin rəhbərinin təyyarəsi Moskvanın Vnukovo-2 hava limanına enib.
Si Cinpin Vladimir Putinin dəvəti ilə martın 20-22-də Rusiyaya dövlət səfərinə gəlib. Danışıqlar zamanı bir sıra mühüm sənədlərin imzalanması planlaşdırılır.
Qeyd edək ki, bu səfər Çin liderinin üçüncü müddətə yenidən seçilməsindən sonra ilk xaricə səfəridir.
Si Cinpinin Moskvaya səfəri Qərbin böyük narahatlığına səbəb olan Rusiyanın Ukraynada apardığı müharibə fonunda baş verir.
Rusiya prezidenti Vladimir Putin və Çin lideri Si Cinpinlə bu gün günün ikinci yarısından sonra söhbətə başlayacaq.
Bu barədə Kremlin mətbuat katibi Dmitri Peskov bildirib.
“Günortadan sonra, təxminən, (Moskva vaxtı ilə) saat 16:30-da prezident Putinin bugünkü fəaliyyətinin beynəlxalq hissəsi davam edəcək və bu, Si Cinpinlə bağlı olacaq”, – deyə Kremlin sözçüsü vurğulayıb.
Peskov izah edib ki, liderlər arasında təkbətək söhbət olacaq və söhbət qeyri-rəsmi naharda davam edəcək. “Bu gün Putin və Si Cinpin arasında qeyri-rəsmi, lakin birbaşa və çox vacib ünsiyyət olacaq”, – deyə Rusiya Prezidentinin mətbuat katibi əlavə edib.
