Cənubi Afrika Respublikasının hakimiyyət orqanları Rusiya prezidenti Vladimir Putini Beynəlxalq Cinayət Məhkəməsinin orderi əsasında həbs etməmək üçün avqustda baş tutmalı olan BRİKS sammitindən imtina etməyin yollarını axtarır.
Azpost.info xəbər verir ki, tədbirin böyük ehtimalla Cənubi Afrikada baş tutmayacağını ölkənin keçmiş prezidenti, dövlət məmurları arasında böyük nüfuz sahibi olan Tabo Mbeki bəyan edib.
“Hüquqi öhdəliklərimizə görə biz prezident Putini həbs etməliyik, lakin bunu edə bilmərik”, – Mbeki deyib.
Bundan sonra nazir müavini Obed Bapela bildirib ki, hakimiyyət onlara BCM tərəfindən axtarışda olan liderləri həbs edib-etməmək barədə qərar vermək imkanı verəcək qanun hazırlayır.
Bununla belə, ölkənin Ədliyyə Nazirliyi qeyd edib ki, sammitə qədər parlamentin belə bir qanunu qəbul etməyə vaxtı olmayacaq.
BRIKS xarici işlər nazirlərinin bu həftə Keyptaunda keçiriləcək toplantısında bütün iştirakçılara diplomatik toxunulmazlıq veriləcək. Amma hökumət bu qərarı standart prosedur adlanırıb. Ədliyyə Nazirliyinin sözçüsü Klason Moniela bu toxunulmazlıqların hər hansı beynəlxalq tribunal tərəfindən konfransın hər hansı bir iştirakçısına qarşı çıxarıla bilən bir orderi ləğv etmədiyini deyib.
Braziliya, Rusiya, Hindistan, Çin və Cənubi Afrikanın daxil olduğu BRİKS dövlət başçılarının sammiti avqustun 22-də Yohannesburqda keçiriləcək.
Kreml Putinin tədbirə gəlib-gəlməyəcəyi sualına birbaşa cavab verməyib. Putinin mətbuat katibi Dmitri Peskovun sözlərinə görə, Rusiya tərəfi sammitdə lazımi səviyyədə iştirak edəcək. Eyni zamanda o ümid etdiyini bildirib ki, Rusiyanın BRİKS üzrə tərəfdaşları BCM-nin belə qanunsuz qərarlarını rəhbər tutmayacaqlar.
Azpost.info
