Ermənistan Baş naziri Nikol Paşinyan Avropa İttifaqının Cənubi Qafqaz üzrə xüsusi nümayəndəsi Toivo Klaarla İrəvanla Bakı arasında münasibətlərin normallaşdırılması prosesini müzakirə edib.
Azpost.info xəbər verir ki, İrəvanda baş tutan görüş barədə Ermənistan hökumətinin mətbuat xidməti məlumat yayıb.
Məlumata görə, tərəflər Brüssel və Kişinyovda keçirilən görüşlərdə əldə olunmuş razılaşmaların icrasını müzakirə ediblər. Baş nazir Paşinyan onların ardıcıl şəkildə həyata keçirilməsinin vacibliyini qeyd edib.
Görüşdə Ermənistanla Azərbaycan arasında münasibətlərin normallaşması prosesi, Qarabağ ermənilərini hüquq və təhlükəsizliyi məsələlərinin beynəlxalq ictimaiyyətin zəmanət verdiyi dialoq mexanizmi çərçivəsində həlli ilə bağlı problemlər də müzakirə olunub.
Paşinyan xüsusi nümayəndəyə Ermənistan tərəfinin yanaşmalarını təqdim edib.
Azpost.info
